皇马重建有排磨合 马体会让客有德分

  • 时间:
  • 浏览:7

周六早上国冠盃上演「马德里打吡」,皇家马德里同马德里体育会喺美国新泽西相遇。处于重建阶段嘅皇马,虽然有夏萨特和卢卡祖域等好手加盟,不过磨合需时,面对向来难缠嘅同市死敌马体会,皇马想赢唔容易,吼实让球客胜。

(MyTV Gold及无綫85台周六早上7时30分直播)

上季战绩令人失望嘅皇马,喺施丹重执教鞭后全面重整,新季获夏萨特同卢卡祖域等重量级球星加盟,战力可望重新评估。不过呢几位新兵需要时间融入,近两场国冠盃所见,皇马无论对住拜仁或阿仙奴,球员之间嘅默契同状态都未达十足,只靠个人能力同对手抗衡,想改善都要时间,短期内难望「银河战舰」能够发挥出100%潜力。

近6次对赛仅1败

马德里体育会喺铁血主帅施蒙尼带领下,踢法向来以硬净见称,为填补高甸同桑法兰托里斯等老臣子离队后留下嘅空缺,马体会近期都落足重本引入马里奥靴莫素同捷比亚等后防猛将,成功补充防线实力。赛事另一焦点落喺倒戈相向嘅马高斯洛兰迪身上,呢位24岁中场悍将过往喺皇马鲜有上阵机会,为求出路只有离队他投。虽然佢上仗对瓜达拉哈拉领红被逐,不过据西班牙媒体报道,马体会为咗令佢唔好错过今场大战,已经成功帮佢打甩停赛处分,有呢位悍将做扫蕩工作,「床单军团」嘅后防所受压力都少好多。再者马体会近6次对住皇马,法定时间获1胜4和1败成绩,不败率达83%,今场让球客胜值得支持。